By Asipile Kitchen.
INkonzo yamaPolisa aseMzantsi Afrika eMpuma Kapa ayangqina ukuba umrhanelwa obefunwa ngokunxulumene nokudutyulwa kubhubhe ilungu lamapolisa eNgqamakhwe nokuxhwilwa, ungxwelerheke kanobom ngexesha lokuqubisana namapolisa.eNgcobo malunga nentsimbi ye-22:30 ngomhla wesixhenxe (07) kweyeSilimela 2025.
Malunga nemizuzu engamashumi amane anesihlanu emveni kwentsimbi yesihlanu (17:45) eNgqamakhwe, umrhanelwa ethe udubule wabulala ipolisa ebelisendleleni ephangelayo. Emva koluhlaselo, umrhanelwa wabaleka kwindawo yexhwayelo.
Kutyholwa ngelithi umrhanelwa emva koko uye waqweqwedisa imoto, exhwila imoto ezintlanu ngempumelelo. Umrhanelwa uye wayishiya esithubeni imoto yokugqibela ekufikeni kwakhe eNgcobo waqhubeka nokubaleka ngenyawo.
Amalungu esipolisa, alandela ulwazi lobukrelekrele, amfumana umrhanelwa eNgcobo. Uthe xa ejongene namapolisa, umrhanelwa wadubula kuqala. Ukuphendula kwingozi ajongene nayo, amapolisa abuyisa ngokudubula nawo, esonzakalisa umrhanelwa.
Omrhanelwa obhubhileyo unxulunyaniswa ngokuthe ngqo nokubulala ilungu leNkonzo yamaPolisa aseMzantsi Afrika, ukukhuthuzwa kompu wenkonzo, ukuqweqwediswa kwemoto ezintlanu, nokuzama ukubulala.
ICandelo loPhando lamapolisa elizimeleyo (IPID) lazisiwe kwaye lizophanda iimeko ezingqamene nokudutyulwa kungxwelerheke komrhanelwa ngamapolisa, ngokwenkqubo eqhelekileyo.
Uphando olubanzi malunga nokubulawa kwepolisa nothotho lokuqweqwediswa luyaqhutywa liCandelo leyunithi yophando lwezolwaphulo-mthetho.
UMkomishinala wePhondo obambeleyo, uMajor General Thandiswa Kupiso uthe, “ISAPS ilugxeka kabukhali uhlaselo lwamalungu ethu kunye nolwaphulo-mthetho obunobundlobongela. Siyawancoma amalungu abandakanyekayo ngokuqaphela nokuphendula ngokukhawuleza kwawo, okuphelise le meko iyingozi.”
I-SAPS ivakalise uvelwano kusapho, izihlobo kunye noogxa bepolisa elibuleweyo. Isithi iingcinga zabo zikubo ngelixesha lobunzima.