Lisekhona ithemba lokuba iPirates ingakhusela kwiSundowns kumagqibela kankqoyi.
Emva komdlalo kaWafa Wafa phezolo kumabala iLucas Moripe ngeCawa ezintsukwini umhla weshumi elinanye (11) kweyeThupha inyanga, kuye kwathelekiswa amaqela amane (4) ashiyekileyo.
Iqela leMamelodi Sundowns lidityaniswe neqela leStellenbosch FC. Yona iCape Town City izakuqubisana neqela leOrlando Pirates elikhuselayo.
Umlenze wokuqala uzakudlalwa kwimpelaveki yangomhla wamashumi amabini anesine (24) kule yeThupha inyanga.
Imilenze yesisigaba samandulela kamagqibela kankqoyi mibini (2), omnye umlenze ungomhla wamashumi amathathu nanye (31) kwakulenyanga yeThupha.
IPirates ifike apha ngokubetha iSuperspot United ngamanqaku amathathu kwelinye (3-1), saze sona iStellenbosch FC sabetha iTS Galaxy ngamanqaku amathathu kwelinye (3-1).
Kule impelaveki ngomgqibelo umhla weshumi kweyeThupa iCape Town City ibethe iSekhukhune United ngenqaku elinye eqandeni (1-0) ngepenalti kaGonzales. IMamelodi Sundowns yazibethela iPolokwane City kumdlalo obunzima kakhulu ngenqaku elinye kwiqanda (1-0).
By Siphiwo Boqwana