BADIKWE FINISH ABAHLALI BASEHANOVER LULWAPHULO MTHETHO OLUNGATHATHELWA NGQALELO NGAMAPOLISA
Baphume belinani ukuyokufaka uxwebhu lezikhalazo kwisikhululo samapolisa ase Bisho abahlali base Hanover ngoLwesithathu umhla wamashumi amabini anesithandathu kulenyanga yekhala kulo umiyo ngokungaxoli yindlela amapolisa asebenza ngayo.
Iimeko ezinganqwalisi ntloko zokuqhekezelwa nokubelwa kwilali yaseHanover zenze ukuba abahlali babemxhelo omnye bangqinelana ngelokuba benze uhambo oluzukileyo bayokufaka umqulu wezikhalazo kwisikhululo samapolisa ase Bisho.
Kulomqulu kukho izikhalazo ngendlela izinga lolwaphulo mthetho olukhule ngalo, kwakulomqulu bakwafuna ukuba amapolisa abonakale maxa onke hay xa bebizelwe ulwaphulo mthetho kuphela, bakwafun amapolisa azikhuphe iinqwelo ukuyokusabela kubahlali kunobuba bathi umhlali obize i van makeze ngokwakhe kwisikhululo samapolisa, bakwafuna ukuba umrhanelwa abanjwe kwangelaxesha amapolisa abizwe ngalo.
Usihlalo obambeleyo wabahlali eHanover uLuzuko Tshingana uthe amapolisa bayawabiza xakukho iziganeko ezifuna umthetho ngamanye amaxesha balinde bancame kungabikho mntu ubanjwayo okanye obanjiweyo babone sele ebuya “siya ke kwesisikhululo nezizikhalazo sifuna amapolisa asithathele ingqalelo silindele ukuba babuyele kuthi kwintsuku ezisixhenxe” uColonel Bekwa uye wamkela uxwebhu esithubeni sikamastishi wathi uvile kwaye uzakuqinisekisa ukuba umyalezo uyafika ukwenzele utshintsho lubekhona ukukhawulelana nokulungiswa kwezizikhalazo kusetyenziswane nabahlali ukwabongoze abahlali ukuba xabebaneentlanganiso zelali babomema amapolisa babekunye nawo kunemihlangano ukuze bazazi iimeko nezikhalo abanazo.
Ingxelo: Siya Stofile