Icebo lokunceda invumi egama lingu mama uLusanda Mcinga liphantse latshabalala emva kwividiyo egxekwe kanobom ngabemi boMzantsi Africa ngelityhola zokuba umfundisi uAnele Heli nobeshicilela levidiyo, egxekwe kabukhali ngabantu besithi isebenzisa lokaMcinga ngenzame zokurhwaphiliza imali eluntwini. Ezizityholo zibukhali ziza emva kokuba kwiveki ephelileyo umfundisi uAnele Heli, ukhuphe ushicilelo lwevidiyo kaLusanda kwikhasi lakhe ecela uncedo kuluntu loMzantsi Afrika kuba esithi ufuna ukushicilela icwecwe lakhe elizayo.
Olushicilelo luyeke lwatyhutyha de lwafika kwiindlebe zoluntu nakwezo ziyiveze ungokungakholelwa koku , ingakumbi ezo zingaqondi iinjongo zikaAnele Heli. Nalapho abantu batyhole ngelithi loka Heli usebenzisa iingcombolo zakhe zebhanki ukufaka imali kaLusanda.
Ezizityholo zihambe de zafika nakubantwana bemvumi uLusanda nabaye babonakalisa umothuko ngeliphulo kwaye bekhaba ngawo omane ngolwazi lwesisenzo okanye uvumelwano lukanina kunye noMfundisi. Kananjalo baye ke bandula ukukhupha ixwebhu eliphikisayo elicebo nanjengoko bebesithi abayazi lento kwaye bazakuyiqonda kunina.
Kumakhasi ezonxibelelwano bekuthe ndiii kambe abanye bekhuza esisenzo salomfundisi etyholwa.
Izolo ke usapho lwakwaMcinga luphinde kwakhona lwakhupha ingxelo emosulayo kwezozityholo ze kwafakwa iingcombolo ezintsha apho lemali yokunceda umama uLusanda mayifakwe khona. Kukwavakala ukuba iingcombolo zokuqala ibingezizo ezikamfundisi koko ezelungu lebandla ngenzame zokunceda umama uLusanda hai ukumphanga.
Iingcombolo ezintsha zezi.
- ingxelo: Anita Qubula