USUNGULE UMBUTHO OMTSHA OZAKUNCEDA ULUNTU.
Itshantliziyo elisaze ngobuso elizweni uVuyo Flente waku Centane kwiphondo le Mpuma Kapa uthi ufuna uphucula imeko abaphila phantsi kwayo abantu abahlala ezilalini.
Lo ka Flente uvule umbutho obizwa ngokuba yi Likhanye Youth Movement apho azokusondeza ulutsha lufundiswe ngobungozi beziyobisi kwakunye nokuhlukunyezwa kwabantu ababhinqileyo emaphandleni.
Ngethuba sithethe naye usicacisele ukuba lombutho wakhe awunanto yokwenza ne Politic kwaye uthi ufuna usebenzisana kakhulu neenkosi,oceba, izibonda kwakunye nazo zonke iinkokheli zasekuhlaleni.
“”Into endichukumise kakhulu kukuba ulutsho lwakuthi kunzima ukuba lufundiswe ngendlela yokuphatha abantu ababhinqileyo kwaye ulutsha oluninzi alusebenzi ezilalini bahleli nje batya iziyobisi kwaye kufuneka beqeshiwe futhi bancediswe kwezemidlalo”, utshilo uFlente.
Ukwaphinde wathi ke bazosebenzisana kakhulu nonontlalontle kunye nabapolisa batyelele nasezikolweni befundisa abafundi khona ukuze kuphele into yabafundi abahlukumeza ootitshala kunye nootitshala abahlukumeza abafundi futhi waphinda wathi uzoqhubeka nophisa ngempahla yesikolo kubafundi kwaye nabo basokolayo uzoqhubeka ebanceda.
“Ndiyacela luntu lwakuthi inkxaso kakhulu ingakumbi kosomashishini siphuculeni iphondo lethu le Mpuma Kapa”, xa ufuna iinkcukacha unga fownela inkokheli ye Likhanye Youth Movement uMr Vuyo Flente ku 063 438 3004 naku WhatsApp okanye ubalandele kwikhasi lika Facebook: Likhanye Youth Movement.
[IFOTO: Likhanye Youth Movement Leader Vuyo Flente]