Ipolisa elineminyaka engamashumi amathathu anesithathu (33) labanjwa licandelo loPhando lwamaPolisa eliZimeleyo (Ipid) ngesiganeko esenzeke ngomhla wamashumi amabini ananye kweyeSilimela ngo2021.
I-IPID ithe uConstable Monwabisi Arthur Phambo waxabana nentombi awayethandana nayo kuWhatsApp. Emva kokutshintshisana, waya kwindawo ahlala kuyo waza wadubula izihlandlo ezininzi esebenzisa umpu wakhe wasemsebenzini.
“Owayesakuba yintombi yakhe wayezifihle endlwini ngelo xesha. UConstable Phambo waangena endlini kodwa akafumana mntu. Weba iselula yeyowa sayokuba yintombi yakhe,’’ sitshilo isithethi seIPID, uPhaladi Shuping.
UShuping uthi ityala lokukhutshwa kompu labikwa kwi-Ipid eMpuma Koloni kwaye abaphandi benza uphando olukhokelele ekubanjweni kukaPhambo.
UShuping uthe owayesakuba yintombi yelipolisa wazama ukusirhoxisa isikhalazo kodwa waxelelwa ukuba lo mcimbi awunakurhoxiswa kuba lityala elisekelwe kwisini.
“Idokethi lanikezelwa kwiofisi yoMphathi wezoTshutshiso waza uConstable Phambo wabekwa ityala lokukhulula umpu kunye nokuba iselula,” wongeze watsho uShuping.
UShuping uthe uPhambo uwavumile omabini amatyala.
“Esi sigwebo saxhonywa ngokupheleleyo isithuba seminyaka emine. Uphinde wagwetywa iinyanga ezilishumi elinesihlanu ngobusela kwaye isigwebo sarhoxiswa isithuba seminyaka emine phantsi komqathango wokuba angafunyaniswa enetyala elifana nela ngeli xesha lokunqunyanyiswa kwakhe,” ucacise watsho uShuping.
By Siyakholwa Vuso