IGunyabantu lezoTshutshiso (NPA) lithi alizuku basayitshutshisa iNkulumbuso yaseMpuma Kapa uOscar Mabuyane nabanye ngenxa yokungabikho kobungqina.
Esi sigqibo silandela uphando olwenziwa ziiHawks malunga nezityholo zolwaphulo mthetho ngakuMabuyane.
Umbutho we-African National Congress (ANC) ephondweni usamkele esi sigqibo kwaye ukholelwa ukuba oku ibizizityholo ezimalunga nezopolitiko ngakuMabuyane.
Isithethi seNPA kwingingqi uLuxulo Tyali ucacisa ngengqiqo emva kwesi sigqibo.
“Singaqinisekisa ukuba isigqibo sithathwe ngumlawuli wezotshutshiso uBarry Madolo sokungatshutshisi uMnumzana Mabuyane nabanye emva kokuphonononga ubungqina obenziwe ngabatshutshisi. Emva kophando olwenziwa ngooKhetshe, kwathathwa isigqibo sokungatshutshisi kuba sibona ngathi akukho tyala linokuphumelela.”