Ibulewe ngokungenalusini inzwakazi yakwiLokishi iManyano yeSithili saseChris Hani.
Kutyholwa ukuba u-Anita Gigaba waseManyano ubulewe ngoku ngenalusini sisinqanda mathe sakhe ngexa egqityelwe ezokuthathwa ngesithuba sika-12h00 emini, kanti kugqityeliswa kwakhe ubonwa.
Ingxelo evela kusapho luka-Anita ithi uAnita nesinqandamathe sakhe bebengasavisisani ncam, bekusele kumuncu iintupha. Isoka eli lafika ngomhla wamashumi amabini anesibhozo 28 kweyeSilimela za wahamba naye bekhwele isithuthi esiluhlobo lweQuantum, kuleQuantum kwakhukho umqhubi kunye nentombi yakhe, indoda yesibini kunye nesoka likaAnita.
Usapho lukwathe kufike amapolisa ngentseni yangoLwesihlanu nengxelo ethi umntwana wabo ucholwe ebhubhile kwindlela yomhlaba esuka eIndwe isingise eLady Frere. Umama kaAnita ekubeni ethathwe wasiwa eAliwal North eyoboniswa umziba, ufike umzimba womntwana wakhe utshile ukuqala esinqeni ukuhla kanti ukuqala emadolweni eluthuthu, kubonakala ukuba ebefakwe utayara entanyeni waze watshiswa.
Amapolisa aseIndwe aye angqina ukuba ityala lokuphanda livuliwe.
Iingxelo zithi, amapolisa aabizelwa kwindawo yexhwayelo ngoLwesine ngomhla weshumi elinanye (11) kweyeSilimela 2024, eMalgas Farm, eIndwe. Ekufikeni kwabo, bafumene isidumbu somfazi otshiswe ngendlela engaqondakaliyo.
Iimeko ezingqonge esi siganeko ziyinxalenye yophando.