Sekushiyeke imidlalo emibini(2) kuphela ukuba iphele iseason yePSL kwibhola ekhatywayo eMzantsi. Kulemidlalo mibini(2) ishiyekileyo nantoni ingenzeka ngaphandle kwendebe esele ikhuselwe.
iMamelodi Sundowns ishiyekelwe yimidlalo emibini(2) ukuba iyayiphumelela kungejalo ayibethwa, ibeliqela lokuqala eMzantsi ukuphumelela maxa wambi idlale ngokulingana.
Yona iOrlando Pirates ifuna ukuqinisekisa ukuba ithatha indawo yesibini(2) nehleli iStellenbosch FC. IBhaka-bhaka likwindawo yesithathu(3) kuluhlu lamaqela akwiPSL. iSundowns inamanqaku angamashumi amathandathu anethoba, eli qela lisesethubeni lokophula irekhodi lamashumi asixhenxe ananye(71) amanqaku.
Kwelinye icala nayo iChippa United isesethubeni lokungena kuluhlu lamaqela asibhozo(8) kwiPSL. Amazulu nawo asenalo ithuba lokuhlala kuluhlu lamaqela asibhozo(8) ePSL.
Nayo iPolokwane City isenethuba elihle lokuba kuluhlu lamaqela asibhozo(8) kwiPSL. iPolokwana City ikwindawo yethoba(9) balingana neChiefs yona ekwindawo yesibhozo(8) ngamashumi amathathu anesihlanu(35) amanqaku.
Iyadlala namhlanje ngentsimbi yesithathu(15h00) iSundowns ngethuba indwendwele iStellies eKapa kumabala iAthlon. Kanti yona iChiefs yamkela iPolokwana City namhlanje umhla weshumi elinesibhozo(18) kuCanzibe ngentsimbi yesithathu(15h00) emva kwemini.
iPirates yona ithathana neTS Galaxy ekuhambeni kwiphondo laseMpumalanga kumabala iMbombela ngentsimbi yesithathu(15h00) emva kwemini. Umdlalo wabo kwiveki ephelileyo iPirates ibethelwe kowayo ngenqaku kwiqanda(1-0) yiRichards Bay.
Abafana besithende bamkela iiUrban Warriors ngentsimbi yesithathu(15h00) emva kwemini namhlanje kumabala singer Ray Xulu eHammersdale kwiPhondo laKwaZulu Natal. Lomdlalo udlalwa nje yiCape Town Spurs kuba kakade sele bethotyelwe ezantsi.
By Siphiwo Boqwana