By Siphiwo Boqwana.
Bekumdaka iisali kumdlalo wombhoxo kule mpelaveki siphuma kuyo ngethuba bekuqubisene iiBulls neeSharks kumdlalo wamandulela kamagqibela kankqoyi kwi-United Rugby Championships.
IiBulls zikaJake White zitywatyushe iiSharks ngamanqaku angamashumi amabini anesihlanu kwishumi elinesithathu (25-13) kumdlalo ubudlalelwa ePitoli ngeCawa, umhla wesixhenxe (07) kule yeSilimela 2025.
IiSharks ziphele kwindawo yesithathu (3) kuluhlu lamaqela ombhoxo kule ndebe yamazwe ngamazwe ehlabathi, yaze yona iBulls yakwindawo yesibini (2). NgoLwesine phambi kwalo mdlalo waphezolo weeBulls neeSharks, umqeqeshi weziTsibabhokhwe uRasie Erasmus ubhengeze iqela labadlali abangamashumi amahlanu anesine (54), apho abanye babadlali beeBulls bengabizwanga baze badlalela ukuqhawuka indawo kulo mdlalo neeSharks.
Abadlali abadlala kakuhle nabasethubeni lokubizelwa kuMabhakabhoko nguMoodie nothe walala emgceni, iScrum-Halve uAmbrose Papier, odlala ecabangeni ekhohlo uSabastien de Klerk noye watyunjwa njengomdlali obalaseleyo emdlalweni.
By Siphiwo Boqwana