By Buhle Nomgalasa.
Nangona lo mbutho ubunezihlalo ezimbini kuphela kwiPalamente yangaphambili, uZungula udlale indima ebalulekileyo ekunyanzeliseni ukuba umongameli uCyril Ramaphosa aphendule ngehlazo lasePhala Phala.
UMbutho weAfrican Transformation Movement (ATM) ubhengeze ukuba uVuyo Zungula akazukuphinda abe ngumongameli wawo, kulandela isigqibo sokuba makagxile kumsebenzi wepalamente. Endaweni kaZungula kungene uNjingalwazi Ceaser Nongqunga, nokwasebenza njengompostile oyintloko webandla labaPostile abalishumi elinambini kuKrestu.
IKomiti ye-ATM kuzwelonke ikholelwa ukuba uZungula kufuneka agxininise kumsebenzi wombutho ePalamente, ngelixa uNongqunga ejolise ekukhuliseni umkhondo walo mbutho. I-ATM igqibe kwelokuba uZungula ngoku uzakugxila ikakhulu kumsebenzi wombutho ePalamente. Nangona lo mbutho ubunezihlalo ezibini kuphela kwiPalamente yangaphambili, uZungula udlale indima ebalulekileyo ekunyanzeliseni ukuba umongameli uCyril Ramaphosa aphendule ngehlazo lasePhala Phala.
UNjingalwazi Nongqunga uchongwe ukuba athathe uxanduva lobunkokeli, egxile kakhulu ekuqhubeni ukukhula kombutho. Lo mbutho uthi ukwahlula imisebenzi yepalamente kaZungula kubunkokeli bombutho linyathelo eliyimfuneko.