Iimbethi manqindi zaseNgilane zizakulwela intshinga engenamntu.
Imbethi manqindi eyiNjinga yeHlabathi uOleksandr Usyk nowenze imbali ngokudibanisa zonke iibhanti ezizintshinga zehlabathi kudidi lwabanzima, uyithe xibilili enye yentshinga zakhe zehlabathi eyi-IBF ukutsho oko I-International Boxing Federation.
Lebhanti yehlabathi eyintshinga yehlabathi kudidilabanzima ngoku izakulwelwa ngenyanga yoMsintsi ngomhla wamashumi amabini ananye (21).
U-Usyk wase-Ukrain yimbethi manqindi yokuqala ukudibanisa iibhanti ezine, iIBF, iWBO, IWBC, neWBA nowathi wayenza lonto ngethuba ebetha uTyson Fury ngamanqaku kwinyanga ephelileyo eSaud Arabia. U-Usyk uneminyaka engamashumi amathathu anesixhenxe (37) ubudala.
Lentshinga ingenabani ngoku ye-IBF kudidi labanzima izakulwelwa zimbethi manqindi ezimbini (2) zaseNgilane uDaniel Dubois noAnthony Joshua eWembley.
Imbethi manqindi kwihlabathi eyakhe yadibanisa iintshinga ezintathu nguLenox Lewis waseBrithane, ngoko kwakungo1999.
UDubois oneminyaka engamashumi amabini anesibhozo (28) ubudala, unemilo engamashumi amabini anesithathu (23) kuyo waphumelela imilo engamashumi amabini ananye (21). UJoshua yena uneminyaka emgamashumi amathathu anesine (34) ubudala, ube yinjinga yehlabathi izihlandlo ezimbini (2), uphumelele imilo engamashumi amabini anesibhozo (28) wabethwa kwimilo emithathu (3).
By Siphiwo Boqwana