IKumkanikazi yendlu yakwaXhosa eNqadu uNonzuzo Sigcau ekunye nesigqeba sakhe, bebebambe umsitho weentombi-nto(virgin) kuMaspala waseMnquma kulempela-veki sisuka kuyo.
Ezintombi nebezisuka kumaphondo ngamaphondo kuquka naKwazulu-Natal, bafike ngeenjongo zokudushuza; ukuxhentsa nokuqhayisa ngobunyulu babo.
Kaloku eliphulo lenzwelwe ukukhuthaza abantwana ukuba baziphathe kakuhle, baziqoqoshe kwaye bazidle ngezigqibo abazithathileyo xa bechasa izenzo zokwabelana ngesondo bebancinci kuba befuna ukulinda ixesha elililo nelivumelekileyo kubazali kwanemfundo yabo.
IKumkanikazi uNonzuso Sigcau uthi, “ukwenza imisitho enjena kunayo imiceli-mngeni kwaye akukholula xa inkxaso inqongophele”
Kodwa nangona kunjalo besiSizwe saMaXhosa, bawukwenza konke okusemandleni ukuqinisekisa ukuba abantwana abawalahli amasiko nezithethe zabo.
Lamasiko nezithethe ngawo azakubancedisa ukuba badlalele kude kutywala neziyobisi ingakumbi ukumitha besebancinci.