Lizibuyisile izitya iqela leqakamba leeProteas ngethuba libetha elase-India ngoothinti abathathu phezolo umhla weshumi (10) kule imiyo inyanga eGqeberha kumabala iSt Georges Park eCentral, bedlala iT20I, nengumdlalo wesibini phakathi kwala maqela mabini.
IIndia yenze ikhulu elinamashumi amabini anesine bephulukana noothinti abasibhozo (124/8) kwijikelo ezingamashumi ambini yabe ibekela uMzantsi ityala elilikhulu elinamashumi amabini nesihlanu. Nangona iye yathanda ukonganyamelwa ziBowlers ze-India, maxa wambi iiProtes zikwazile ukulenza ityala ngethuba zisenza ikhulu elinamashumi amabini anesibhozo (128/7) emitsi ziphulukana noothinti abasixhenxe kwimijikelo ezingamashumi amabini.
Ukudibana kuka Stubbs noGerald Coetze kwenze izinto zayondelelana eGqeberha ngethuba uCoetze eqhoka ishumi elinethoba (19) lemitsi ejongene nje neebhola ezilithoba (9) kuphela encedisana noStubbs oye wangoyena uqhoke imitsi emininzi kulo mdlalo ngethuba esenza imitsi engamashumi amane anesixhenxe (47).
UHardik Pandya we-India uqhokre amashumi amathathu anethoba (39) ephuma exwaye iphini lakhe, uVurin Chakravarthy osispina sase-India uthathe oothinti abahlanu ebethwa imitsi elishumi elinesixhenxe kuphela (5/17).
UAiden Makram uphume enesithathu (3) semitsi egameni lakhe, uMarco Jansen wahamba enesixhenxe semitsi kanti yena uDavid Miller uphume ngedada ejongene nebhola yokuqala.
Ngoku la maqela mabini ayalingana aphumelele umdlalo omnye iqela ngalinye, emva kwale midlalo mibini kushiyeke imidlalo emibini kule midlalo mine bayidlalayo. Umdlalo olandelayo useCenturion ePitoli ngoLwesithathu kuleveki sikuyo umhla weshumi elinesithathu (13) kulenyanga imiyo.
By Siphiwo Boqwana