IZAKUPHUCULWA INDLELA YOKUBHATALA EZITAXINI EMPUMA KOLONI
Umbutho wezithuthi zikawonke wonke(taxi) eMpuma Koloni iSantaco isungule inkqubo yokubhatala ngekhadi kwizithuthi kwakunye nezithuthi zabafundi ngeenjongo zokuphucula ukhuseleko loluntu. Lenkqubo isebenzisana nenkqubo yentlawulo iEncetric ,ForUs digital group kwakunye nezinye.
Ngokwezicwangciso, le nkqubo izakuqala ukusebenza kunyaka ozayo nalapho izakuqala isetyenziswe zizithuthi zabafundi kulandele izithuthi zika wonke-wonke.
Oku kuthetha ukuba akusayi kuphinda kukrwecanwe egxeni ngabakhweli ukudlulisa imali eya kunotekisi nanjengoko abakhweli bezakusebenzisa amakhadi ukuhlawula.
Ngokwengxelo kasihlalo weSantaco eMpuma Koloni uZola Yolelo uthe ucebisa ukuba abakhweli bayixhase lenkqubo ngoba into enemali inolwaphulo mthetho ukuba banokuyixhasa abakhweli bangakhuseleka ngakumbi.
USibulele Ngati ongumqhubi wetekisi ukholelwa ukuba izakudlala indima enkulu le nkqubo ekuqinisekiseni kukhuselo lwabo babizwa ngoba ngonotekisi, nangengoko ngokuqhelekileyo bengamaxhoba babaphuli mthetho.
Ingxelo: Athule Mangena