IMIDLALO YEDSTV PREMIERSHIP YALE IMPELAVEKI IQALE NGOLWESIHLANU
Iqela lasePitoli iSupersport United iwuphumelele umdlalo wayo weleague phezolo okokuqala emva kokukhutshwa kwiMTN8 siStellenbosch FC. Amadzantsantsa aPitoli abethe iCape Town City nebingekabethwa kwileague emva kwimidlalo emibini nalapho ithe yabethwa ngenqaku elinye eqandeni, omabini lamaqela ebesazikhotha amanxeba okukhutshwa kwindebe yokuqala yesizini iMTN8. ICape Town City ikhutshwe kowayo yiChiefs kanti neSupersport ikhutshwe kowayo siStellenbosch.
Kanti yona iStellenbosch FC sibethe iRoyal AM iyibethela kowayo eDurban kumabala iHary Gwala ngamanqaku amathathu kwelinye. IStellenbosch sibethwe kanye ngethuba sibethwa ngabatshakazi bePSL iPolokwana City ngelinye eqandeni lo ngumdlalo wabo wesibini bephumelela kwimidlalo emithathu esele beyidlalile lomdlalo ubudlalwa ngolwesihlanu umhla weshumi elinesibhozo kanti nayo iSupersport ibethwe kanye iphumelele yamibini imidlalo ngalona ibiwuphumelela ngolwesihlanu.
Izolo ngomgqibelo umhla weshumi elinethoba bekudlalwa kwakhona imidlalo yeDSTV iPolokwane City ibhaxabule iCape Town Spurs ngamanqaku amathathu kwelinye ibihamba phambili ngelinye eqandeni kwisiqingatha sokuqala. IPolokwana City iphumelele imidlalo emibini yabethwa komnye kwimidlalo emithathu esele iyidlalile kanti yona iCape Town Spurs ayikacholi naphantsi nangona kusaqalwa kungekafikwa kwimidlalo emihlanu nangsphezulu. Yona iMamelodi Sundowns izityele itheko kwiiChilli Boyz kwisiqingatha sokuqala ngethuba ifaka amanqaku amabini nethe yaphumelela ngawo kuba iChippa United khange ifune nokuva ngethuba ivale mba ngasemva kwesiqingatha sesibini somdlalo nangona kunjalo ibingayekanga ukuhlasela nto nje iminwana phezulu ibiliqule yaligangatha.