Ingcali yezempilo uGqirha Jacqueline Weyer uthi ukusilela kokuthobela amayeza kubantu abaphila nentsholongwane kaGawulayo basemngciphekweni omkhulu. Uthi abantu abalolu hlobo basemngciphekweni omkhulu wokosulelwa sisifo iM-Pox kuba imizimba yabo isesichengeni sokwasulelwa zizifo ezithatha amathuba.
Ilizwe lirekhode ukufa kwalo okokuqala lwe-M-Pox. Mahlanu amatyala axeliweyo, amathathu KwaZulu-Natal, amabini eRhawutini.
U-Weyer uthi umfi, ochazwe njengendoda, wayephethwe yinyumoniya kwaye emva koko kwafunyaniswa ukuba une-M-Pox. Uthi ukuqhambuka kwesi sifo elizweni kuyakhathaza kakhulu.
“Ke ngoko, siyithatha nzulu iM-Pox, ayisosifo esiqhele ukufumana kubemi baseMzantsi Afrika. Kwaye amanyathelo ayathathwa ukukhusela abantu bethu. Siyazi kananjalo ukuba sinenani eliphezulu le-HIV kunye neemeko ezininzi ezingalawulekiyo. Zezo ziganeko ke ezingalawulekiyo kunye nezinye izizathu zokugonywa komzimba ezisikhathazayo. Aba bantu basemngciphekweni omkhulu we-M-Pox eqatha.”