Inkulumbuso yephondo leMpuma Koloni uOscar Lubabalo Mabuyane ndawonye noMphathiswa wezeMfundo ephondweni uFundile Gade baphawule umsitho wembali ngoLwesibini umhla wamashumi amabini anesithathu (23) kuTshazimpunzi, ngokuvulwa ngokusesikweni kwesikolo samabanga aphakamileyo iSophathisana ngaseMonti.
Ukanti esisikolo sinemigangatho emibini, umgangatho ophezulu unamagumbi okufundela (Cutting-edge facility) angamashumi amabini anesithandathu (26), amagumbi eekhompyutha amahlanu (5), amathala eencwadi amathathu (3), amaziko asetyenziselwa iinjongo ezininzi (Multi-Purpose center) amathathu (3), iziko lezokunxibelelana, kunye nelebhu,
Isebe lithi oku kubonisa ukuzibophelela kwephondo ekuboneleleni ngeziseko zophuhliso ezisemgangathweni.
“Ukuphehlelelwa kwesikolo samabanga aphakamileyo iSophathisana kubonisa ukutsibela phambili ekuqinisekiseni ukuba wonke umntwana eMpuma Koloni uyafikelela kwimfundo ekumgangatho ophezulu kwindawo yokufunda efanelekileyo.” itshilo ingxelo yesebe.