Izinto ziyahambela kakuhle iiProteas kwindebe yomhlaba.
UQuintin de Kock uphinde wenza ezibukwayo ngethuba enceda iqela loMzantsi ngephini lakhe eqhokra imitsi evisayo nalapho athe wachongwa njengoyena mdlali othe wabalasela ngethuba lomdlalo weeProteas neNgilane phezolo umhla wamashumi amabini ananye (21) kulenyanga kumabala iDaren Sammy eGros Islet eSt Lucia, ngoLwesihlanu.
Omabini (2) lamaqela ayiphumelele imidlalo yokuqala (1) yokuvula kwi-Super 8 nalapho iNgilane ibethe iWest Indies nelingelinye labahlinzeki zaze zona iProteas zazibethela iMelika nengenye yabahlinzeki.
Iqela loMzantsi Afrika liqhokre kuqala ze lenza ikhulu elinamashumi amathandathu anesithathu yemitsi iphulukana noothinti abathandathu (163/6) yaphendula iNgilane ngokwenza ikhulu elinamashumi amahlanu anesithandathu bephulukana nesithandathu soothint (156/6).
Ude Kock uqhokre amashumi amathandathu anesihlanu (65) kwiibhola ezingamashumi amathathu anesibhozo (38), uQuinton uwenze amashumi amahlanu (50) ngeebhola ezingamashumi amabini anesibini (22). UAiden Makram uphume enomnqongo (1), uHendricks wenze ishumi elinethoba lemitsi (19) kwiibhola ezingamashumi amabini anesihlanu (25).
UDavid Miller yena uqhokre imitsi engamashumi amane anesithathu (43) kwiibhola ezingamashumi amabini anesibhozo (28). UKhashav Maharaj uthathe oothinti ababini (2) ebethwa imitsi engamashumi amabini anesihlanu (25) kwii-Overs ezine (4). UMaharaj uthathe uthinti obalulekileyo ngethuba ekhupha umqhoki oyingozi nongumkhokeli weNgilane uJos Buttler eneshumi elinesixhenxe lemitsi (17) kwiibhola ezingamashumi amabini (20)
UMzantsi Afrika uyibethe ngemitsi esixhenxe (7) iNgilane. Kungoku nje iProteas iphumelele imidlalo emibini kwimidlalo emibini esele iyidlalile kwiSuper 8. Umdlalo olandelayo weeProteas ngoweWest Indies ngomhla wamashumi amabini anesine (24) kulenyanga ngecala emva kwentsimbi yesine (02h30) namhlanje umvula ezintsukwini ekuseni ngokwexesha loMzantsi.
By Siphiwo Boqwana