Amaqela enze kakuhle awongwe ngamabhaso abonakalayo kwilokishi yaseZwide, eGqeberha.
Iqhubile kulempelaveki siphuma kuyo imidlalo yetumente yebhola ekhatywayo yendebe iGinola kumabala iYoung Romans phantsi kweZwide Football Association kwabaneminyaka engaphantsi kwelishumi elinesihlanu (U/15) ubudala nalapho ibingamagqibela kankqoyi.
IMajor Chiefs ibethe iqela iZwide Pirates ngamanqaku amathathu kwelinye (3-1).
Kumandulela kamagqibela kankqoyi kwimidlalo yamagqala.
IChathaza izibethele iEleven Attackers ngamanqaku amabini kwelinye (2-1), yaze yona iSparks yaphumelela kwiipenalti ngamanqaku amahlanu kwamane (5-4) emva kokudlala ngokulingana kwixesha elipheleleyo ngeqanda macala (0-0).
Kumagqibela kankqoyi kumagqala.
ISparks iyiphumelele indebe ngokubetha iChathaza ngamanqaku amathathu kwamabini (3-2).
Koompondo zihlanjiwe kumandulela kamagqibela kankqoyi.
IReal Crusaders iphumelele kwiipenalti ngamanqaku amahlanu kwamane (5-4) emva kokudlala ngokulingana ngenqaku macala (1-1) neZwide Pirates.
IMajor Chiefs yona ibethe ifuture FC kwiipenalti ngamanqaku amane kwelinye (4-1) emva kokuqengqa amaqanda (0-0) kwixesha elipheleleyo.
Kumagqibela kankqoyi woompondo zihlanjiwe.
IMajor Chiefs ibethe iReal Crusaders ngamanqaku amabini eqandeni (2-0).
IMajor Chiefs ngokuphumelela kumagqibela kankqoyi ifumene iimbasa zegolide, indebe ejikelezayo, itracksuits ezingamashumi amabini anesithathu (23) kwakunye nemali engangeshumi lamawaka eerandi (R10 000) ze yona iReal Crusaders ifumene amawaka amahlunu (R5000), iimbasa zesilivere, ikiti entsha yokudlala kwibhola ekhatywayo.
Iqela elibethwe kumagqibela kankqoyi limke newaka leerandi, lanikwa iisilivere eziliqela.
IiJuniors eziphumeleleyo zimke nempahla yebhola enxitywayo yokudlala indebe ejikelezayo, kunye neembasa zegolide.
Abajike ngokubethwa kumagqibela kankqoyi kwiiJuniors bahambe bephethe iimbasa zesilivere kwakunye neebibs zokuzilolonga.
By Siphiwo Boqwana