Kwiintsuku ezimbalwa ezidlulileyo, uMphathiswa wezeMfundo eMpuma Kapa uFundile Gade uyalele ukuba esi sikolo sivalwe. Ngoko ke, abaphathi besikolo bakhawuleza bathabatha amanyathelo asemthethweni, besithi ukukhutshwa kwesi sikolo kuxwebhu lwezikolo akukho mthethweni. Ityala bekulindeleke ukuba lichotshelwe kwinkundla ephakamileyo yaseMakhanda ngoLwesihlanu umhla wesine (04) kuTshazimpuzi 2025.
NgoLwesithathu, isithethi sesebe uVuyiseka Mboxela uqinisekisile ukujika kwesebe.
Uthe nangona i-Bergview College isisikolo esizimeleyo, isebe linoxanduva lokuthatha amanyathelo xa ukhuseleko lwabafundi lunyhashwa.
“Mayela nendima yesebe, uMphathiswa wePhondo uthe kwiveki ephelileyo isikolo esibandakanyekayo, iBergview College, njengesikolo esizimeleyo, silawulwa ngomthetho owahlukileyo kwizikolo zikarhulumente,” utshilo.
UMboxela uchaze ukuba isebe liqale lathatha isigqibo sokuyirhoxisa okwethutyana ilayisenisi yesikolo ukunyanzelisa ukuba sithathe uxanduva.
“Ekuphela kwendlela ekufuneka sinyanzelise uxanduva lokuphendula kunye nobulungisa kwizenzo zabo – kukurhoxiswa okwethutyana kwelayisenisi yabo yokusebenza.”
Ngentsingiselo yoko, oko kuya kunyanzelisa uxanduva lokuphendula kunye nentsebenziswano nee-arhente zogcino-mthetho ukuze kuphendulwe ukuba kutheni kufuneka baqhubeke befundisa nokufunda kwindawo engakhuselekanga,” utshilo uMboxela.
Wongeze ngelithi isebe ngoku lizakushiya uphando lolwaphulo-mthetho emapoliseni.
“Kukule meko ke apho uMphathiswa wezeMfundo sele ekurhoxisile ukurhoxiswa kwethutyana kwelayisenisi nanjengoko isikolo singenakuvalwa unomphelo.
“Nangona kunjalo, isikolo sisalindelwe kwaye sibophelelekile ukuba siqinisekise indawo ekhuselekileyo yokufundisa nokufunda,” utshilo.
UMphathiswa uGade uthe: “Ngoku ndinethemba lokuba njenge-ECDoE sibe negalelo ekuqinisekiseni ukuba amavili obulungisa ayajika kwakhona kwaye kweli tyeli ajika ngokukhawuleza exhasa uCwecwe nosapho lwakhe.”
Kwimeko emaxongo, umama wexhoba uye wabandakanyeka kwingozi yemoto ngoLwesithathu ngethuba esendleleni eya kudliwano-ndlebe namapolisa.
Isithethi samapolisa uBrigadier Athlenda Mathe usiqinisekisile esi sehlo.
“Ngelishwa siye saxelelwa ukuba umama womntwana uye wabandakanyeka kwingozi yemoto ngethuba esendleleni eya kudliwano-ndlebe,” utshilo uMathe.