Izibilini mazihle, iSiqalo Youth Fund izakuphendula izicelo zolutsha zingekafiki iintsuku zikaxakeka
Iphakeme! yaqala apho ibiyeke khona iOfisi yeNkulumbuso(OTP) ukuphendula izicelo zeSiqalo Youth Fund. Oku kungenxa yentlanganiso eyenzeke kwiholo yolunti yaseMakhanda, apho iOfisi yeNkulubaphathiswa ibicacisa imigaqo, nomgama osele bewuhambile ukuzothi gaa ngoku koSomashishini abebefake izicelo zenkxaso mali.
Kwiingcaso ezibekwe etafileni, iOfisi iqale ngokuxolisa kangangoko ngeeMpazamo abazenzileyo ukulibazisa ukuphendula izicelo kwanokudala iintandabuzo eluntwini betyhola amagingxigingxi athile.
Bathi nangona kunjalo unyaka ka2023 akazukuphela iimpendulo zingafinga kwabo bafake izocelo, nokuba ezompendulo ziqulathe okuhle okanye okubi.
OoSomashishini, abakhange bavume konke konke ukuyibetha ngoyaba impendulo yeOfisi ngalomba, bakubeka kwacaca ukuphoxakala kwabo nkqu nezivubeko zokushishina kabuhlungu benethemba leempemdulo ezincumisayo, nezithathe iminyaka engaphaya kwesibini.
Le Ofisi ithi izakuthi chuu ukundwendwela ooMaspala abohlukileyo ukucacisa inkqubela phambili.