By Nyameka Lamani.
ISithethi seBhunga uCllr Babalwa Majavu uvala iNyanga kaMandela ngokunikezela ngosapho olusweleyo, eDutywa.
Njengenxalenye yokuvala iNyanga kaNelson Mandela, ngomhla wamashumi amathathu kweyeKhala ka2025, uSomlomo weBhunga, uCllr Babalwa Majavu, utyelele usapho olungathathi ntweni kwindawo yaseTimane, eDutywa.
Ngokomoya welifa likaTata uMandela nanjengenxalenye yemizuzu engamashumi amathandathu anesixhenxe (67) yenkonzo yoluntu, uCeba Majavu unikezele ngepasile yokutya kusapho obeluswele kwaye wabonisa izicwangciso zokuthetha-thethana nabachaphazelekayo abafanelekileyo kunye namahlakani ukuze kukhangelwe inkxaso ezinzileyo kusapho.
USomlomo weBhunga ebekhatshwa nguSihlalo wekomiti yohlahlo lwabiwo mali lukamasipala (MPAC), uCeba Nosipho Ganda, kunye nooceba ababini beewadi.