Umphathiswa uNyhontso ubongoze ukuba kukhawuleziswe iimpepha-mvume zenyathelo lokuqala lokutyala imithi yeMoringa engaphaya kwama-300,000, ukukhulisa ezolimo, nokudala imisebenzi yasekuhlaleni eNgqamakhwe.
I-AmaMfengu Nation Development Trust (ANDT) imeme uMphathiswa woPhuhliso lwamaPhandle noHlengahlengiso lweMihlaba uMzwanele Nyhontso ukuba aphulaphule isindululo seProjekthi yenkampani i-Climate Chage Solutions ecetywa ukuba imiliselwe kuMasipala weSithili sase-AmaThole. Lo msitho ububanjelwe kwihotele iZovuyo, eNdabakazi – eGcuwa ngoLwesihlanu umhla wesithandathu (06) kweyoMsintsi 2024.
Esona sizathu siphambili sokumema uMphathiswa yayikukucela ukuba ancedise ekunxibelelaniseni amanye amasebe abandakanyekayo ekukhululeni izithintelo ezithile ekukhutshweni kweempepha-mvume kunye neelayisenisi ezifunekayo ekuphunyezweni kweprojekthi. Amasebe ekubhekiswa kuwo liSebe lezeNdalo, ezoLimo, iMicimbi yoMhlaba, iSebe lezaManzi ukubala nje ambalwa.
Ngalo mhla uMnu Buyile Siyongwana we-Climate Change Solutions kunye noMnu Jabu Madlala we-Smart Rural Development (SRD) banike inthetho ngaleProjekthi.
Le projekthi iza kuqala ukumiliselwa eNgqamakhwe phantsi kwegunya lesizwe saMaHlubi: Inkosi uJongisizwe Mkatshane, ngokukodwa kwindawo yaseNomaheya yoLawulo: Inkosi Valela.
Iprojekthi iza kuqala ngokutyala izityalo ezigadini kwaye iphucule imfuyo. Njengoko eyona njongo yenkampani iClimate Change ikukunciphisa ukungcoliseka komoya. Ngoko ke kuya kuthunyelwa ukutyalwa kwemithi.
Umthi we-Moringa nguye okhethiweyo njengowona mthi ufanelekileyo ozakutyalwa. Imithi engama-300 000 iya kutyalwa ngexesha lesigaba sokuqala sale projekthi. Ukuba uMphathiswa uNyhontso uyancedisa kule miba, iprojekthi iya kuqalisa ngexesha lokulima elizayo.
Iziphumo zale projekthi ziya kuba kukudala amathuba emisebenzi kuluntu lwengingqi. Imveliso yezityalo zegadi kunye nengeniso evela kwiintengiso eziphuculweyo zemfuyo.