Ziqhube kakuhle iiProteas kumdlalo wokuqala weNdebe yeHlabathi.
Iqela leQakamba loMzantsi Afrika liwuphumelele umdlalo wayo wokuqala (1) weNdebe yeHlabathi ngoMvulo umhla wesithathu (3) kweyeSilimela ngethuba liqubisena nelaseSri Lanka, eNew York.
ISri Lanka iqhoke kuqala ngethuba besenza amashumi asixhenxe anesixhenxe emitsi (77) iphuma yonke kwii-Overs ezilishumi elinethoba neebhola ezimbini (19.2).
Iqela loMzantsi Afrika, iProteas, liphendule ngokuqhoka imitsi engamashumi asibhozo (80) liphulukana noothinti abane (4) kwii-Overs ezilishumi elinesithandathu nebhola enye (16.1). IiProteas ziyibethe iSri Lanka ngoothinti abathandathu (6) ziphumelela umdlalo wazo wokuqala (1).
UAnrich Nortje ube ngumdlali obalaseleyo walomdlalo emva kokuthatha othinti abane (4) noRabada othe wathatha oothinti ababini (2).
Umdlalo olandelayo weeProteas ungoMgqibelo umhla wesibhozo (8) kule yeSilimela nalapho izakube iqubisene neqela laseNetherlands.
By Siphiwo Boqwana.