Isebe lezempilo eRhawutini livakalise ukuxhalaba ngokwanda kwamatyala okutya ityhefu kubantwana, ingakumbi ezilokishini, kwiindawo zamatyotyombe nakwiihostele. Oku kuza emva kwesiganeko apho abantwana abasixhenxe (7) bangeniswe kwisibhedlele sommandla iThelle Mogoerane ngoLwesine weveki ephelileyo ngenxa yokurhanelwa ukuba batyhefekile ekutyeni.
Abathandathu (6) kubantwana sele bebhubhile, ngelixa omnye ekwimeko emaxongo. Isithethi seli sebe uMotalatale Modiba uthi abanini beevenkile zasekuhlaleni kufuneka bathobele imigangatho yezempilo.
UModiba uthe, ngoku esi siganeko sixhalabisayo ingakumbi ukuba ujonga ukuba ukusukela kweyoMdumba ka-2024 bana namatyala angamaKhulu amabini anesixhenxe (207) achaphazela abantwana athe axelwa kwiphondo liphela kwaye ndicinga ukuba lo ngumkhwa oxhalabisayo esiwubonayo. Ukwathe, isebe liye langenelela ngokuba namaqela ajongene nempilo yendalo esingqongileyo asebenzisana noomasipala basekuhlaleni ukuze baqhubeke nokuhlola nokukhuthaza noosomashishini abancinci, iivenkile zeSpaza njalo njalo ukuba bathobele imimiselo efunekayo.