Umbutho weligi kwibhola ekhatywayo iPremier Soccer Ligi phezolo ibhengeze ukuba inyukile imali ephunyelelwa liqela kwindebe iWafa Wafa ukusho oko iMTN8. Lendebe neyingabula zigcawu kwibhola ekhatywayo ibikade ixabisa izigidi ezisibhozo(8million) lendebe ngoku izakuxabisa izigidi ezilishumi(10million) kulonyaka.
Iyaqala isizini kulempela veki ngethuba iOrlando Pirates izakube ikhusela intshinga yayo yokuqala(1) iMTN8 xa izakube iqubisene namatsantsatsa aPitoli ngomgqibelo umhla wisithathu(03) kweyeThupha inyanga kulonyaka ka2024.
Umdlalo wesibini(2) weMTN8 kwimidlalo emine(4) udlalwa ngeCawa umhla wesine(04) kweyeThupha kumabala iDanie Craven eKapa, apho abahlinzeki iStellenbosch FC sizakube siqubisane neTS Galaxy.
Iyaqhubeka nakwiveki ezayo lemidlalo nalapho iSekhukhune United izakuhlinzeka iCape Town City kumabala iNew Peter Mokaba. Ize yona iMamelodi Sundowns iqubiseane nePolokwane City eLoftus.
Nemali yesinxephezelo sokuzixolisa inyukile iqela ngalinye kula asixhenxe(7) azakube engaphumelelanga isuka kumakhulu asibhozo amawaka(R800 000) yayokutsho kwisigidi(1milion) esinye.
By Siphiwo Bhoqwana