Amadamara B abethe iZwide Pirates B ngamanqaku amathathu kwamabini. Umanyano Stars ibhuqwe yabhulelwa amasaka yiZwide Celtic ngamanqaku asibhozo kwiqanda qoks imbande yesikhova. I-Mighty Heroes ibethe ngempama i-Morning Stars nephendule ngocikicane ukutsho oko ngamanqaku amahlanu kwelinye.
I-Golden Aces ibhaxabule ngempama i-Nubs nethe yaphendula ngoocikicana ababini ukutsho oko ngamahlanu kwamabini. IMwalimu All Stars B ibambene ngamabini macala neKuyasa B. I-Shining Stars B, ne-Bay City B nazo zibambene ngamanqaku amabini macala.
*Kwiziphumo ze-Premier League yeZwide Football Association.*
IMwalimu All Stars ibethwe yiZwide Pirates ngamabini kwelinye. I-Young Brothers ithwaxe kabuhlungu i-Gal City ngamanqaku amane kwamabini. I-Everton yabethwa yiAlaska ngamanqaku amathathu kwamabini.