Abahlinzeki iLuton Town ibethe iBournamouth ngamanqaku amabini kwelinye, iNewcastle United iyibethele kowayo iFullham ngenqaku elinye eqandeni yaze iEverton yazibethela abatyeleli iBurnly ngelilodwa eqandeni yaze iWolves yona yabethelwa kowayo ngamanqaku amabini kwelinye yiWest Ham United, iSheffield United ibambene neChelsea ngamabini macala, iTottenham yabhaxabula iNottengham Forest ngamanqaku amathathu kwelinye.
Kanti xa sijonga amanye amaqela iArsenal iyothi ngcu encochoyini kwindawo yokuqala emva kokubetha iBrighton kabuhlungu iyibethela kowayo ngamanqaku amathathu eqandeni isusa iLiverpool nedlale ntanganye neManchester United ngamabini macala, omabini lamaqela anamanqaku alinganayo kuluhlu lamaqela eEnglish premier league kodwa yona iLiverpool ikwindawo yesibini ize iManchester City nantso iphefumla emva kwawo lamaqela kwindawo yesithathu inamashumi asixhenxe amanqaku emva kokubetha iCrystal Palace ngamanqaku amane kwamabini ekuhambeni.
Kanti omnye umdlalo ubutakisa iintlantsi iAston Villa iye yabanjwa ngobhongwana kowayo yiBrentford ibiyinkwa nenkwa kuthotho lwamanqaku kungekho efuna ukuwa phantsi zabambana ngamanqaku amathathu macala.
Ngu Siphiwo Boqwana