IZIPHUMO ZEMIDLALO YEDSTV PREMIERSHIP ZAPHATHI EVEKINI NEMIDLALO ESEZAKUDWALWA.
Bekukho umdlalo ubudlalwa omnye ngosuku leholide obelubekelwe usuku lwenkcubeko nezithethe kwiintlanga ezohlukeneyo apho bekuqubisene iPolokwana City Neqela Amazulu
IPolokwana City neqela Amazulu babambene neqanda macala. Elinqaku liyincedile iRise and Shine kuba kaloku libathathe lababeka kwindawo yeshumi elinesibini kuluhlu lamaqela ePSL nto leyo ibakhuphe ezembeni kwelinye icala Amazulu wona eli nqaku libathatha lababeka kuluhlu lamaqela asibhozo ePSL.
Ubumnye umdlalo ubudlalwa ngolwesibini umhla wamashumi amabini anesithandathu kweyoMsintsi ngolwesibini ezintsukwini. IChipa United ibihlinzeke iSupersport United kumabala iNelson Mandela Bay eGqeberha. IChilli Boyz ziwuphumelele umdlalo wazo naMatsantsantsa ngenqaku elinye eqandeni.
Namhlanje umhla wamashumi amabini anesixhenxe kudlalwa imidlalo emibini yeDSTV Premiership. IMamelodi Sundowns yamkela iStellenbosch FC, omabini lamaqela ayiphumelele imidlalo yayo edlulileyo ngethuba edlala kwiMTN8 kumlenze wesibini apho amasandawana azibethele iChiefs ezibekela indawo kumagqibela kankqoyi wendebe yeMTN8 kanti yona iStellies sibethe iPirates ngethuba bedlala eOrlando kunjalo nje beqala ukubetha ibhakabhaka kowayo eSoweto apho balibethe ngelinye eqandeni nangona kunjalo iPirates yiyo ezakukwazi ukukhusela indebe yabo emva kokuba bafaka amanqaku amabini ekuhambeni kumlenze wokuqala.
Omnye umdlalo wanamhlanje iKaizer Chiefs yona ihlinzeka iSekhukhune United ukhumbule ukuba ichiefs ayihanjelwa kakuhle zizinto kuba nangoku ayikwazanga ukubetha iSundowns isihlandlo sesithathu. Umqeqeshi weBabina Noko uBranden Truter uthi akakhumbuli ebethwa liqela laMakhosi kwelinye icala ifolosi yeChiefs ithi bazakonyusa iikawusi kulomdlalo emva kwempoxeko yomdlalo wabo nabafana bestayile kwimpelaveki esiphuma kuyo. Kananjalo Amakhosi basanda kubethwa yiSupersport United.
Lemidlalo yomibini iyaqala ngecala emva kwentsimbi yesixhenxe kungekudala ukusuka ngoku.