By Siphiwo Boqwana.
Umqeqeshi waMabhokobhoko uRassie Erasmus ulibhengezile iqela labadlali bombhoxo okokuqala kulonyaka ka-2025 nalapho athe watyumba abadlali abangamashumi amahlanu anesithandathu (56), kukho ishumi elinesibhozo (18) labadlali bee-Sharks, ishumi elinesixhenxe (17) labadlali bee-Bulls, ibelishumi elinesithathu (13) labadlali be-Stomers nabasibhozo (8) be-Lions.
Eli qela lombhoxo lizakuhlanganiswa kwinkampu ezakuthi ithathe iintsuku ezintathu (3) bezilolonga pha kwintaba yetafile eNtshona Kapa nalapho bezakube bezilungiselela ukuhlinzeka i-Georgia ne-Italy kwimidlalo yovavanyo yokuqala kulonyaka nezakudlalwa ngenyanga yeKhala.
Lo mqeqeshi wezitsibabhokhwe uRassie, usezakudibana nabaphathi umntu ngamnye kuboniswane ukuba zintoni ezilungiselelwe abadlali ukuya phambili, lo ka-Erasmus usezakudibana nabadlali nalapha kweli loMzantsi Afrika abangamashumi amahlanu anesithandathu kanti usezakudibana nabadlali kwamanye.
Kucace nje mhlophe okwekati ehlungwini ukuba umqeqeshi uRassie Erasmus unezicwangciso ngamalungiselelo eli qela lakhe kulonyaka ka-2025.
Ngabaqeqeshi abazakudibana ngomhla wesixhenxe (07) kwinyanga ezayo yoKwindla eKapa nalapho bazakuhlala iintsuku ezintathu (3) bequlunqa kananjalo behlalutya nemiceli mingeni. Bazakuthi ngomhla weshumi eli esibini (12) kwakulenyanga izayo bahlangane benze uqulunqo labadlali ukuba kufuneka ntoni kubo zintoni ezilindelekileyo nemihlangano yangasese ekuzakube kuqulunqwa kuyo malunga nendlela yokubalolonga abadlali.
Izitsibabhokhwe zizakuqalisa ukukhusela intshinga yazo ye-Castle Larger Rugby Championship ngenyanga yeThupha nalapho zizakuqalisa ngokuhlinzeka ii-Wallabies ngomhla weshumi elinesithandathu (16) nangomhla wamashumi amabini anesithathu (23) kwakwinyanga yeThupha kulonyaka phambi kokuba zintinge ukuyakudlala neembangi zayo kumbhoxo ehlabathini, i-New Zealand, kumabala ase-Auckland nase-Wellington ngomhla wesithandathu (06) nangomhla wamashumi amabini anesithathu (23) kwinyanga yoMsintsi kulonyaka.
Naba abadlali bamabhokobhoko abatyunjwe nguRassie, uthathe ii-forwards ezingamashumi amathathu anesithathu (33) kwii-Bulls balishumi elinesibini (12) ngu-Celimpilo Gumede, uCameron Hannekom, uJohan Grobbelaar, Reinhardt Ludwig, uWilco Louw, ibe nguGerhard Steenkamp, uJF van Heerden, uAkker van der Merwe, uMarco van Staden, noKobus Wiese.
Kwi-Sharks basibhozo (8) nguPhepsi Buthelezi, Ethan Bester, Vincent Koch, uEben Etzebets, uBongi Mbonambi, uSiya Kolisi, ibe nguOx Nche, uNtuthuko Mchunu, noTrevor Nyakane.
Kwi-Stomers basibhozo (8) nguJoseph Dweba, uBen-Jason Dixon, uNeethling Fouche, ibe nguFrans Malherbe, uDeon Fourie, uEven Roos, uSalmaan Moerat, no-Andre-Hugo Venter.
Babebane (4) kwii-Lions nguFrancke Horn, uRuan Venter, uRanzo du Plessis noAsenathi Ntlabakanye.
U-Erasmus utyumbe ii-backs ezingamashumi amabini anesithathu (23) abo ngabe-Sharks abalithoba (9) uLukhanyo Am, uAphelele Fassi, uAndre Esteehuizen, uJaden Hendrikse, ibe nguEthan Hooker, uMakazole Mapimpi, uGrant Williams, uJordan Hendriks, noJurenzo Julius.
Abe-Stomers bahlanu (5) nguPaul de Wet, uSacha-Feinburg Mngomezulu, Suleman Hartzorg, uMannie Libbok, uWillie le Roux, uCannan Moodie, noEmbrose Papier.
Kwakhethwa abane (4) kwii-Lions abo nguQuan Horn, uMarne van den Berg noHenco van Wyk.