Kubhubhe abantu abahlanu konzakala abalithoba kulandela ingozi yemoto enye eyenzeke kwiSatansnek Pass kuhola wendlela uR58 neyaziwa ngelokuba kukwaSathana.
Othethe egameni lezendlela ephondweni u-Unathi Binqose uthi le ngozi yenzeke ngentsimbi yesibhozo kusasa ngoLwesibini umhla wesibini (-2) kwindlela ephakathi kwe-Engcobo neKhowa eyayisakuba yi-Elliot.
Ngokwengxelo yesebezothutho, umqhubi wemoto iVW Sprinter ebikhwele abantu abalishumi elinesine ibisuka eRustenburg isiya eMthatha ngethuba ephulukene nolawulo lwemoto yaza yabhukuqa.
UBinqose uthi phakathi kwababhubhileyo kukho inkwenkwana eneenyanga ezimbini, amakhosikazi amathathu kunye nendoda endala. Uthi abakhweli abonzakeleyo bathuthelwe kwizibhedlele ezahlukeneyo kulo mmandla.
Unobangela wengozi uya kuba yinxalenye yophando lokubulala ngokungenhloso. Umqhubi walenqwlo-mafutha uphume engenawo nomkrwelo kwindawo yexhwayelo.