Amapolisa aseGqeberha aphanda ukubulawa kwabantu ababini eBhetesdorp ngentsasa yangeCawe
Isithethi samapolisa, uColonel Pricilla Naidu uthi amapolisa alunywe indlebe ngesiganeko sokudubulana kwikona yesitalato iNorval kunye neNash e-Extension 29.
Uthi ukufika kwabo kwindawo yexhwayelo, kwafunyaniswa ukuba abantu abathathu badutyulwe kwimoto yohlobo lweCiti Golf.
UNaidu uthi uRivaldo Yawa oneminyaka engama-24 ubudala ubhengezwe njengoswelekele kwindawo yexhwayelo, ngelixa uThurston Williams oneminyaka engama-30 ubudala kamva ebhubhele esibhedlele.
Uthi owasetyhini oneminyaka engamashumi amabini ubudala ufumene amanxeba okudutyulwa waze wasiwa esibhedlele.
Iimeko ezijikeleze esi sehlo azikaziwa kwaye amapolisa aphanda amatyala amabini okubulala nelokuzama ukubulala.