By Buhle Nomgalasa.
Abarhanelwa abathandathu ebebexhobile badutyulwe babhubha ngethuba bedubulana namapolisa kuR61 phakathi koMthatha neNgcobo. Esi sehlo senzeke ngoMvulo, umhla wamashumi amabini anesithathu (23) kweyeSilimela 2025 malunga necala emva kwentsimbi yesihlanu (17:30).
IPhulo lobuntlola belijolise kubantu ekurhanelwa ukuba bayabandakanyeka kwimisebenzi yobuqhetseba kwindawo leyo. Amapolisa aye amisa isithuthi, kwaye abarhanelwa bema. Abarhanelwa baphume emotweni bavulela ngeembumbulu kumalungu amapolisa. Amagosa aziphindisela ngokubula ngenjongo yokuzikhusela, nto leyo ebangele ukudutyulwa nokufa kwabo bobathandathu abarhanelwa.
Abo babhubhileyo abaziwa ngoku. Iinkqubo zophando-nzulu ziyaqhuba ukuze zichongwe ngokusesikweni. Amalungu amapolisa ashiyekele kwindawo yexhwayelo eqhuba uphando ethatha nobungqina.
Imipu efunyenwe kubarhanelwa izakwenziwa uhlalutyo. Ngokungqinelana nenkqubo esemgangathweni kunye nesigunyaziso esisemthethweni, iCandelo loPhando lwamaPolisa eliZimeleyo (IPID) lazisiwe kwaye liya kuthwala uxanduva olupheleleyo lokuphanda ngesi sehlo.