Kwezinye ezothusayo ngoku, ngabantu abane(4) abadutyulwe basweleka, kwishumi elinesibini(12) elidutyulwe kwindawo yentselo eseSweetwaters ePietermaritsburg.
Ngokwengxelo engenayo, kuvakala ukuba kumise imoto engaqondakaliyo phandle kwendawo yentselo ze kwaphuma amadoda amabini aye athulula imbumbulu ebantwini.
Athe akugqiba abaleka ngesithuthi eso eshiya abantu bethe tywa apho. Kuye ke kwabalekiselwa abalishumi esibhedlele apho kuye kwabhubha ababini besongeza kwababini ababhubhele kwindawo yexhwayelo.
Sithetha nje uphando luyaqhuba ukuze kufunyanwe abarhanelwa kwakunye nesizathu sesisiganeko.