Amapolisa aseGqeberha aphanda ngesiganeko sokudutyulwa komfundi oneminyaka elishumi elinesibhozo eSchauderville ngobusuku bangoMvulo.
UKapteni, uSandra Janse van Rensburg, uthe umfundi webanga lematriki, uChadwin Witbooi, uye wawa kwiyadi yendlu eJameson Road.
Uthi wabalekiselwa esibhedlele nalapho wabhubhela khona xa efika.
UWitbooi ufumene inxeba lokudutyulwa, kodwa uJanse Van Rensburg uthe akukho zinkcukacha zithe zafumaneka ngokukhawuleza kwindawo yexhwayelo.
Ityala lokubulala liyaphandwa kwaye nesizathu sokudubula asikaziwa.