Inkosikazi ekutyholwa ukuba yatshisa ibhasi yakwa Eagle Liner eGqeberha ekuqaleni kwale nyanga kulindeleke ukuba ifake isicelo sebheyile kwiveki ezayo.
UYamkela Mahobe (24) ubanjwe kuGatyane kwiveki ephelileyo emva kwesehlo esenzeke ngomhla wesibini kuNovemba kwisikhululo sebhasi eCape Road eNewton Park.
Eli bhinqa liselula livele ngokufutshane kwinkundla kamantyi yasekuhlaleni ngoLwesibini kwaye lo mba ubuyiselwe ngoMvulo ukuze afake isicelo sebheyile ngokusesikweni.
Ujongene netyala lokonakalisa ngenkohlakalo impahla.
Ngokwengxelo ephuma kwisithethi samapolisa uColonel Priscilla Naidu, umonakalo wale bhasi uqikelelwa kwi-R3.2 yezigidi zeerandi.
Kukholeleka ukuba esi sehlo siphenjelelwe kukungavisisani nenkampani yebhasi kubangwa iselula.