UMphathiswa woPhuhliso lwamaShishini amaNcinci, uStella Ndabeni-Abrahams, uza kuthi, ngoLwesine, wamashumi amabini ananye
NgoMatshi 2021, ngentsimbi yeshumi kusasa, azimase isikhumbuzo soSuku lwamaLungelo oLuntu, kwisikolo samabanga aphantsi iNdibela, eMqhekezweni (eMpuma
eKapa). Lo msitho uququzelelwa yiOfisi yePalamente yaseMthata apho
UMphathiswa uNdabeni-Abrahams umiselwe ukukhokela lomsitho.
Lomsitho uza kunika imbeko kubafeli-nkolo kwimbubhiso yaseSharpeville ababulawa ngokungenalusini,
phantsi kolawulo lorhulumente wocalucalulo ngomhla wama-21 kweyoKwindla 1960.
Imisebenzi yolu suku iya kubandakanya
ukupeyintwa kwesikolo samabanga aphantsi iNdibela ngamavolontiya akhokelwa nguMphathiswa uNdabeni-Abrahams.
UMphathiswa uzakuphinda adityaniswe neenkokheli zasekuhlaleni.