Kulindeleke ukuba amaxabiso epetroli ehle kakhulu ngoDisemba.
Umbutho iAutomobile Association uthi ngokweenkcukacha ezingaphicothwanga zaphakathi enyanga kwiCentral Energy Fund, ixabiso lepetroli kulindeleke ukuba lehle ngeR1.06 ilitha, ze idizili yehle malunga neR2.10 ilitha.
I-AA ithi ixabiso leparafini yokukhanyisa kulindeleke ukuba lehle malunga ne-R1.75 ilitha.
Ithi ingxelo yangoku ibonisa ukuba amaxabiso emveliso yamazwe ngamazwe athobile ukususela ekuqaleni kukaNovemba kwaye anegalelo kubuninzi bokuhla okulindelekileyo.
“Ixabiso elingamandla leRandi xa lithelekiswa neDola yaseMelika nalo lidlala indima yalo kwaye lidityaniswa namaxabiso e-oli azinzileyo ukuqinisekisa ukuba abemi boMzantsi Afrika bajonge ukuthotywa kwamaxabiso epetroli kweyoMnga,” itsho iAA.
Amaxabiso epetroli ahlengahlengisiweyo aya kuqala ukusebenza ngomhla we-6 kuDisemba