Amapolisa aseMpuma Koloni azingela abarhanelwa abathathu ababandakanyeka kuphango oluxhobileyo ngoLwesibini umhla wesibini KuTshazimpuzi, kwifama yakwaNojoli, eyayifudula iyiSomerset East.
Isithethi samaPolisa, uColonel Priscilla Naidu, uthi umlimi oneminyaka engamashumi asixhenxe anesithoba (79) ubudala ebetyisa iinciniba phambi komzi wakhe Xa amadoda amathathu awayexhakamfule ngesixhanti umsebenzi wakhe, eza kuye.
Uthi umfama kunye nomsebenzi onamashumi amathathu anesibini (32) ubudala banyanzelwa ukuba bangene endlwini baza babotshelelwa. UNaidu uthi isinqanda-mathe salo mfama esineminyaka engamashumi amane anesixhenxe (-47) ubudala sinyanzeleka ukuba sivule isefu napho bathathe umpu wokuzingela, ivolovolo kunye nemali.
Ukanti abarhanelwa baphinde bathatha oomabonakude ababini kunye neeselfowuni ezimbini babaleka ngeveni yalo mfama yohlobo lwe-Isuzu. Amapolisa abongoza nabani na onolwazi lokuncedisa kuphando akaqhagamshelane nesikhululo samapolisa esikufutshane naye.