Libanjiwe inina ekutyholwa ukuba latshisa ibhasi yakwa Eagle Liner eCape Road, eGqeberha ekuqaleni kwale nyanga.
Isithethi samapolisa uColonel Priscilla Naidu uthi abecuphi baseMount Road bafumene ulwazi lokuba umrhanelwa ufike kwindlu kamama wakhe kuGatyana kwiveki ephelileyo.
Uthi kwenziwe amalungiselelo namapolisa asekuhlaleni ukuba abanjwe.
Umrhanelwa onamashumi amabini anesine ubudala ukhweliswe wabuyela eGqeberha nalapho kulindeleke ukuba avele kwinkundla kamantyi yasekuhlaleni ngoMvulo.
Ngomhla wesibini kuNovemba, lo mfazi kutyholwa ukuba wayenengxabano nenkampani yebhasi ngenxa yeselula apho wayegrogrisa ngokutshisa ibhasi.
Ibhasi yatshiswa phambi kokuba umrhanelwa abaleke kwindawo yexhwayelo.
Umonakalo webhasi ubalelwa kwi R3.2 yezigidi zeerandi.
Eli bhinqa lijongene netyala lokonakalisa impahla.