LIBHENGEZIWE IQELA LOMZANTSI AFRIKA LAMAGQIYAZANA EQAKAMBA NELIZAKUTHI LIKHENKETHE IPAKISTAN
Umzantsi Afrika uzakudlala neqela lePakistsn ePakistan kwibala lalapho iKarachi nalapho bazakudlala imidlalo emithandathu xa iyonke. La maqela azakudlala imidlalo yeT20 emithathu adlale imidlalo yamazwe ngamazwe yosuku olunye nayo ibemithathu nezakuthi iqale ngomhla wokuqala ukuya kumhla weshumi elinesine kwinyanga ezayo.
Ukhumbule ukuba uHilton Mureeng umqeqeshi wamanina eProteas wongezelwe ixesha kwisivumelwano sakhe sengqesho ngomhla wamashumi amathathu kweyeSilimela kude kube ngumhla wamashumi amathathu ananye kwinyanga yokugqibela kulonyaka. Eli qela lisezakundwendwela iNew Zealand ze lamkele iBangladesh kweli loMzantsi Afrika njengenye yezicwangciso ukuya kunyaka ka2025.
Nali iqela labadlali elithe lachongwa ngumbutho weqakamba eMzantsi Afrika nelinabadlali abalishumi elinesihlanu, Annika Bosch odlalela iFedelity Titans, Tazmin Brits weSix gun Grill Garden Route Badgers, Nadine de Klerk osuka kwiSix Gun Grill Western Province, Mieke de Ridder uvela kwiSix Gun Grill Garden Route Badgers, Lara Goodall weSix Gun Grill Western Province, Sinalo Jafta weDP World Lions, Marizanne Kapp weEastern Province, Ayabonga Khaka weDP World Lions, Masabata Klaas weFedelity Titans, Sune Luus weFedelity Titans Nonkululeko Mlaba ngoweHollywoodbets Dolphins,Tumi Sekhukhune weDP World Lions, Nondumiso Shangase weHollywoodbets Dolphins, Delmi Tucker weSix Gun Grill Western Province noLaura Wolvaardt yena ngoweFedelity Titans.
Alishumi elinesibini amagqiyazana abuyeleyo kweliqela kumagqiyazana alishumi elinesihlanu aweye adlala kakuhle kakhulu kwindebe yehlabathi yeT20 phakathi kwabo singabalula uTumi Sekhukhune umdlali ojula iApile lasejava nowaziwa njengeSeamer nowaphantse waliphosa ithuba lokuthabatha inxaxheba kwindebe yehlabathi nowaye wafakwa kuluhlu lamalalela etumente, kanti yena uChloe Tryon ucele ikhefu labucala angafakwa kuluhlu, uAnnerie Dercksen yena usachacha kuba wonzakala emnweni kwisandla sasekunene yiyo lento engekho kweliqela, uSune Luus nowakhokela abadlali njengebambela ukuya kumagqibela kankqoyi kwindebe yehlabathi ngokwengxelo yombutho iCricket South Afrika akazukuqhubeka kuzakutyunjwa omnye umdlali ozakuthatha indawo.
UMieke de Ridder yena ufumene ithuba lokudlalela iqela lesizwe emva kokuzibonakalisa ngethuba edlalela iqela elitsha nebelisanda kunyuselwa nathe walinceda ukuba libephakathi kuluhlu lamaqela amaphondo nangona lilitsha tsha iSix Gun Grill Garden Route Badgers edlala njengomgcinizinti(weekecketkeeper), ubambe amacatchi alithoba kwimidlalo yosuku olunye emithathu kweyeT20 uneminyaka engamashumi amabini anesixhenxe ubudala.
Ubuyiselwe uNondumiso Shangase nokwaziyo nokwazi ukudlala yonke indawo (allrounder) kunjalo nje ubalasele kakhulu uzibonakalisile ngethuba edlala kwiiHollywoodbets Dolphins nangethuba edlala ngo2021 iProteas zidlala neWest Indies, sele ethathe othinti abalishumi elinesithathu kwimidlalo elishumi elinesine nalapho edlale imidlalo esixhenxe yosuku olunye nemidlalo esixhenxe yeT20.