Umqeqeshi omtsha weChiefs kulindeleke ukuba adibane neqela lakhe phesheya kolwandle.
Iqela laseNaturena iKaizer Chiefs lingqinile ukuba eliqela lizakundulukela e-Europe ukuya kuzilolongela isizini ezayo. Ukhumbule ukuba eliqela kulindeleke ukuba libenomqeqeshi omtsha nabancedisi bakhe, kukwalindeleke ukuba lityikitye abadlali nangona sele bebakhulule abo bangenamdla ngabo.
Eliqela sele libakhulule abadlali abafana noNjabulo Ngcobo, uHlanti, uDolly, noSithebe.
IChiefs indwendwela kwilizwe laseTurkey ngomhla wesine kule inyanga sikuyo ukutsho oko ngomso ngoLwesine, ukhumbule iChiefs ithe ndlelantle kulowo ebesakuqeqesha eliqela njengebambela mqeqeshi uCavin Johnson nowayeqeshelwe ukukhokela kuphuhliso lamaqela asezantsi eNaturena ukufika kwakhe.
Nangona umqeqeshi omtsha engakafiki kodwa eNaturena amalungiselelo ayenziwa nanjengoko usekela mqeqeshi nomqeqeshi woonozinti bona sele bekhona.
Omnye umdlali esele ekhululwe ngabafana Bokuthula noXolo nguGonzalez, naye obesakuba ngumqeqeshi woonozinti uRainer ulishiyile eliqela.
Iingxelo zithi umqeqeshi weliqela omtsha uzakudibana nalo eTurkey iqela lakhe.
By Siphiwo Boqwana