Luzakulala obehlayo ubuthongo kobu busuku banamhlanje usapho lwakwaMakreqa emveni kwesipho sekhaya elitsha, kulandela imeko ebeluphila ngaphantsi kwayo ngaphambili. Oosomashishi abazityande igila ngokwenza isenzo esihle balifezekisile iphupha lokuphila ubomi obungcono kusapho lakwaMakreqa, ngokubokhela indlu ezakuthi itshintshe ubomi balo.
Umasipala waseMbhashe, Iqonga losomashishini l-Mbhashe Business Forum, inkampani iHumble Africans & Zayne Contractors, kunye namanye amaqela abandakanyekayo, kwinjongo yokubuyisela eluntwini nokwenza isenzo esihle bachithe imizuzu engama-67 nosapho lakwaMakreqa kulenyanga yokuzalwa kukaMadiba.
Isipho sendlu eyakhiwe ngokupheleleyo enamagumbi amathathu efakelwe itiles kunye neceiling, impahla yendlu yokutyela ukuya kumagumbi okulala (Ibhedi ezintathu, isikhenkcezisi, umabonakude,isofa, iimbiza kunye nezitya yokutyela kunye nokutya) ziye zanikezelwa ngolusuku kolusapho. Umnikelo ovela kumbutho iShweme Foundation ezakunikela ngokutya kwinyanga nganye yonyaka kunye neWheelchair evela kumhlali uMnu. Nkitha nazo ziye za
USodolophu uCeba Samkelo Janda, uCeba Zuma, INkosi Sigcau, amalubgu osapho,noMphathi kaMasipala uMnu Mkhululi Nako benze umbulelo ongazenzisiyo kubo bonke abanikeleyo. Uluntu lwaseMatloweni kuGatyana luphume ngokubuninzi ukuza kunikeza inkxaso, lubonakalise imivuyo ngomculo, bambi beyiyizela besombela. Sithi Huntshu kolusapho!
Ingxelo: Mbhashe Local Municipality