OWAYESAKUBA NGUMDLALI WEORLANDO PIRATES UZENZE ZABUHLUNGU IINTLIZIYO ZABALANDELI BECHIEFS EBOTSWANA
IKaizer Chiefa neTownship Rollers ziqale umdlalo wazo wobuhlobo ngentsimbi yesithathu namhlanje umhla wamashumi amabini anethoba kweyeKhala eGaberon eBotswane.
Lo ngumdlalo weChiefs wesibini wobuhlobo ukulungiselela ukuqala imidlalo yeDSTV premiership neqalayo ekuqaleni kulenyanga izayo. Umdlalo wokuqala weChiefs wobuhlobo babedlala neYoung Africands yaseTanzania kanye eTanzania nalapho Amakhosi asazikhotha amanxeba kuba babethwa ngenqaku elinye eqandeni(1-0). iChiefs izakuvula iseason ngomdlalo ekhaya neChipa United.
Nali iqela ebelidlala neTownship Rollers namhlanje eBotswana ezipalini ibingu Petersen ngasemva kuqalwe ngoFrosler, Njabulo Ngcobo, Ditlhokwe, Sifiso Hlanti, esiswini ngumfana omtsha uCastillo, Sithebe, Mahlatsi, Nkosindiphile Ngcobo noMdu Shabalala phambili ifolosi ibe nguSaile amalalela ibinguBruce Vuma ezimpondweni, uKwinika, uMsimango omtsha kweliqela, uSolomons, uMaart, uPotsana naye umtsha, uMashiane, uZwane, uRadebe, uMdu Mdantsane nofikayo naye, uAshly du Preez noDuba.
Iphinde yagqejwa ilingophiyo iKaizer Chiefs ngethuba ibethwa isihlandlo sesibini kumdlalo wobuhlobo ngethuba ibethwa yiTownship Rollers eBotswana ngalemva kwemini yanamhlanje, inqaku elophule iintliziyo zabalandeli bamakhosi lifakwe ngumdlali obesakudlalela iOrlando Pirates nobethandwa kakhulu ngabalandeli beBhakabhaka uThabo Rakhale nothe walifaka elinqaku kumzuzu wamashumi abhozo kwisiqingatha sesibini kwatsho kwahlokoma ibala laseBotshana iBotswana national stadium nalapho iTownship Rollers ibethe iKaizer Chiefs ngenqaku eqandeni(1-0)