By Siphiwo Boqwana.
IBafana Bafana izakudlala imidlalo emibini yobuhlobo namaqela amabini, elaseTanzania neMozambique kule nyanga yeSilimela. Umdlalo wokuqala iBafana izakuqubisana neTanzania kwibala iPeter Mokaba ePolokwane ngoLwesihlanu, umhla wesithandathu (06) kwyeSilimela 2025. Umdlalo wesibini bazakuthathana neMozambique aseLoftus ePitoli ngomhla weshumi (10) kweyeSilimela 2025.
UHugo Broos ongumqeqeshi weQela leSizwe lebhola ekhatywayo loMzantsi ukhethe iqela labadlali abathembileyo ukulungiselela le midlalo yobuhlobo mibini.
UBroos akafakanga nomnye umdlali kwiqela leKaizer Chiefs nangona ebekhe wabafaka kwiqela labo bangamashumi amane ananye (41) ebebachonge kuqala. UHugo ufake abadlali abane (4) abatsha nabaphuma kwiqela leOrlando Pirates abo nguMohau Nkota, uMbekezeli Mbokazi, uDeano van Rooyan noSimphiwe Selepe. Ngamashumi amabini anesithathu (23) abadlali abathe babhengezwa kubadlali abangamashumi amane nanye ebebachonge kuqala.
Naba abadlali abathembeke kumqeqeshi uBroos oonozinti nguRicardo Goss, uSipho Chaine noRenaldo Leaner.
Abadlali bangasemva NguNkosinathi Sibisi, uSydney Mobbie, uDeano van Rooyen, uThabo Moloisane, uMbekezeli Mbokazi, uSamukelo Kabini, uKhulumani Ndamani noFaawaz Basadien.
Esiswini kukho uNdamulelo Maphangule, uSimpiwe Selepe, uThalente Mbatha noLuke Leroux.
Kwiifolosi nguAshley Cupido, uTshpang Moremi, uMahau Nkota, uOswin Appollis, uYanela Mbuthuma, uSinoxolo Kwayiba noPatrick Maswanganyi.
Akafakwanga kweliqela umdlali odlala kwelaseRomania uSiyabonga Ngezana. Abona badlali baninzi kweliqela likaHugo Broos ngabaphuma kwiOrlando Pirates.