Ngamashumi amabini anesixhenxe amaqela ongeziweyo kwiqela loMzantsi eliya eParis
Sekubomvu ukuba iqale imidlalo ye-Olympiki nezakuqala kulenyanga ngomhla wamashumi amabini anesithandathu (26) ukuya kutsho ngomhla weshumi elinanye (11) kwinyanga ezayo yeThupha.
Umbutho wezemidlalo jikelele eMzantsi iSouth African Sports Confederation and Olympic Committee ubhengeze amaqela neenjuze ezongezelekileyo kwiqela le-Olymiki loMzantsi Afrika nelaziwa njengeTeam South Africa.
Iqela lesizwe leqakamba iiBlitzbokke lelinye lamaqela angenileyo emva kokuphumelela itumente yeWorld Rugby Repechage eMonaco kwinyanga ephelileyo. U-Ashligh Buhai oyinjinga yeBritish Open kwigalufa kumanina naye ungenile kweliqela uzakube ethabatha inxaxheba okokuqala kwi-Olympiki.
Ngamashumi amabini anesixhenxe (27) ongeziweyo yiSASCOC.
Indidi zemidlalo ezongeziweyo kweliqela loMzantsi yiGalufa, umbhoxo wamadoda kwiiSevens, irowing, icycling, iskateboarding, iequestrian kunye nejudo.
Iqela loMzantsi Afrika lijonge ukuthabatha inxaxheba kwimidlalo elishumi elinethoba (19) kwimidlalo engamashumi amathathu anesibini (32) ekhoyo kwi-Olympiki nebanjelwa kwidophu yaseParis kwilizwe laseFrance.
Iqela leBlitzbok libhengeze abadlali abalishumi elinesithandathu (16) nelizakucuthwa ibelishumi elinesibini (12). IWater Polo nebhola ekhatywayo azithabathi nxaxheba kweziOlympiki kodwa zazikhona eTokyo.
Likhulu elinamashumi amane (140) abadlali abakhoyo kweliqeka kwimidlalo elishumi elinethoba.
By Siphiwo Boqwana