Abaxhamli beSibonelelo soNcedo iSocial Relief of DIstress (SRD) banokuqokelela imali yabo ngeendlela ezininzi ezahlukeneyo. Enye yezi ndlela zokuhlawula iquka ukuqokelela iigranti zabo zeSRD kwiPosi yaseMzantsi Afrika iSouth African Post Office (SAPO).
Kubalulekile ukuqaphela ukuba iintlawulo zezibonelelo ze-SRD zenziwa kuphela ngeentsuku ezithile. Usuku abaxhamli abaqokelela ngalo izibonelelo zabo lumiselwa ngamanani amathathu okugqibela eenombolo zabo zezazisi.
Le mihla yentlawulo isebenza kuphela kubantu abalanda izibonelelo zabo zeSRD kwiPosi. I-SAPO icebise abaxhamli bezibonelelo ukuba balinde i-SMS ebazisa ukuba izibonelelo zabo zikulungele ukuqokelelwa.
Kule veki izayo, ngezantsi yimihla yentlawulo yegranti ye-SRD engama-R350:
- Nge-24 kaJanuwari: Iinombolo zesazisi eziphela ngo-080 kunye no-085
- Nge-25 kaJanuwari: Iinombolo zesazisi eziphela ngo-081 kunye no-086
- Nge-26 kaJanuwari: Iinombolo zesazisi eziphela ngo-082 kunye no-087
- Nge-27 kaJanuwari: Iinombolo zesazisi eziphela ngo-083 kunye no-088
- Nge-28 kaJanuwari: Iinombolo zesazisi eziphela ngo-084 kunye no-089
Abaxhamli abavunyiweyo begranti ye-SRD nabo banokuqokelela imali yabo kwaPick n Pay nakwiivenkile zakwaBoxer kananjalo banako ukuba imali ihlawulwe ngqo kwiakhawunti yabo yebhanki.
Isibonelelo se-SRD kulindeleke ukuba sifikelele esiphelweni ngoMatshi ka-2022. Isithethi sakwaSassa, uPaseka Letsatsi, uthembise bonke abafumana inkxaso-mali ukuba bazakufumana yonke imali ekufanele bayenze.