Kutshiswe iloli kuqhankqalazo lokuhanjiswa kweenkonzo kumasipala ombaxa waseNelson Mandela Bay ngentsasa yangoLwesihlanu umhla wesihlanu kuTshazimpuzi.
Ukapteni wamapolisa, uAndre’ Beetge, uthe abaqhankqalazi bagxalathelene ukungena kwizitalato malunga ngezithuba zentsimbi yesithandathu kusasa kuhola wendlela uR-75 malunga neBayland eGqeberha.
Uthi bavale macala omabini endlela ephithizelayo ngamatayala avuthayo kunye nengqushu. UBeetge uthe umqhubi weloli ubaleke engenzakalanga, nangona kunjalo, isigadla sona kunye nenqwelwana erhuqwayo zitshatyalalisiwe. Ngokwengxelo inqwelo erhuqwayo yesibini yonakele kancinci.
UBeetge uthe amaPolisa oMyalelo woLuntu azakuhlala kwindawo yexhwayelo. Kuvulwe ityala lokonakala kwempahla kwaye lisaphandwa ngabakwantsasana Kwadwesi.