UMPHATHISWA NZIMANDE UDLULISELA UVUMELWANO KWIINTSAPHO ZABAQESHWA IKHALA TVET COLLEGE.
UMphathiswa weMfundo ePhakamileyo, uGqirha Blade Nzimande, udlulise amazwi ovelwano kwiintsapho, izihlobo, nezalamane kunye nabafundi beKholeji yeTVET Ikhala ngokusweleka kwabasebenzi abahlanu(5) (abasebenzi abathathu kunye nabafundi abasaqeqeshwayo ababini 2) ababebandakanyeke kwingozi yemoto, eyenzeke izolo, umhla we(27 July 2022)
Isithuthi sabo sabandakanyeke kwingozi kunye nelori nanjengoko bebeqhuba besiya kwiKhampasi yase-Aliwal North.
Ababhubhileyo bebeqhuba isithuthi sikaKholeji besuka kwi-Ofisi eNkulu yase-Ikhala TVET College besiya kwenza umsebenzi othile kwikhampasi yase-Aliwal North yale kholeji.
Kuxelwe ukuba bobahlanu (5) baye baqinisekiswa ukuba babhubhile kwindawo yexhwayelo ngugqirha kunye nabasebenzi bakaxakeka. Ukanti omnye ubhubhe mva esonyusa inani liye kwisithandathu.
Amagama ababhubhileyo nguMonwabisi Siwa – iGosa eliPhezulu leemviwo, uChristina Tingashe-Caba – unobhala weSekela nqununu weeNkonzo zeMfundo, uMelisizwe Manzi-Intern kwiOfisi yeNqununu, uBukelwa Baleka-Intern kwiCorporate Services, kunye noYandiswa Cwayi- Intern. kwi-Ezibeleni Engineering Campus.
Umphathiswa uNzimande uthe esi sehlo sibi senzeka ngexesha iSebe leMfundo ePhakamileyo noQeqesho libambe ingqungquthela yokuqala yeentsuku ezimbini yeeTVET Colleges Strategic Industry Partnerships Summit ejolise ekubetheleleni intsebenziswano phakathi kweSebe, iikholeji zeTVET noShishino.
“Iingcinga nemithandazo yethu ikusapho lwabangasekhoyo ngeli xesha linzima,” utshilo umphathiswa uNzimande.
UMphathiswa uNzimande uyalele ezeMpilo ePhakamileyo ukuba bazibandakanye nabalawuli beKholeji ekuboneleleni ngenkxaso efunekayo ngokwasengqondweni nentlalo-ntle kusapho nakubasebenzi abasondeleyo balowo uswelekileyo.
Yanga umphefumlo wabo ungaphumla ngoxolo.